В Атырау +2 
19 сәуірде өткен Атырау облыстық мәслихатының кезектен тыс ХХХ сессиясында екі маңызды мәселе қаралды: қаржы басқармасының «Атырау қаласын көгалдандыру» және «Жол-көлік оқиғаларын фото және бейнекамералар арқылы тіркеу жүйесін ұйымдастыру мен қолдану» мемлекеттік-жеке меншік әріптестік жобасы бойынша мемлекеттік міндеттемелер қабылдауы туралы. Екі мәселе де қомақты қаржыны қажет етеді.
Көгалдандырумен «Каспийдормостострой» ЖШС айналысады. Компания 5 жыл бойы гүлзарларды, жеміс-жидек дақылдары бар бақшалар егуге, саябақ жасыл желектеріне күтім жасап, жас ағаштар отырғызуға қаржы жұмсайды. Облыстық қаржы басқармасы оған жұмсалған қаржыны өтейді. Жоба құны 4 млрд 696 млн теңге деп бағаланып отыр.
«Көркем Телеком» ЖШС бейнекамералармен айналысады. Бұл жоба құны 10 млрд 43 млн теңге тұрады.
Сонымен қатар, депутаттар санитарлық-эпидемиологиялық қызметтің ардагері Мұхамбетжан САПАРОВҚА «Атырау облысының құрметті азаматы» атағын беру үшін бірауыздан дауыс берді.
Мұрат СҰЛТАНҒАЛИЕВ
Суретті түсірген Анастасия АЛЮШИНА