Негізгі көшелер кеңейеді

Атырау қалалық ТКШ бөлімі биылғы жол салу бағдарламасы бойынша ең ірі лоттар орындаушысын анықтау конкурсын жариялады. Мемлекеттік сатып алулар сайтында көшелерді қалпына келтіру жұмыстарының құны хабарланған: Құрманғазы – 3,295 млрд теңге, Амандосов – 3,091 млрд, Уәлиханов – 1,941 млрд, Гагарин – 1,565 млрд, Датов - 1,549 млрд,  Ғабдиев - 838 млн, Ғұмаров көшесі - 379 млн теңге.

Құны 11,147 млрд теңге болатын Бейбарыс (бұрынғы Әлиев пен Сатыбалдиев көшелері) даңғылын қалпына келтіру жобасын жүзеге асыру басталғаны хабарланған. Жалпы ұзындығы 10 шақырымды құрайтын даңғыл кеңейтіліп, жаяужолдар, веложолдар салынады, 20 автобус аялдамасы орнатылады.

Мұрат СҰЛТАНҒАЛИЕВ