Ресей мен Солтсүстік Корея басшылары Қиыр-Шығыста кездеспек

2 540 просмотра

Ресей мен Солтүстік Корея басшылары келесі аптада кездесуі мүмкін.

Ресей президентінің баспасөз хатшысы Дмитрий Песков президент Путин мен Солтүстік Корея басшысы Ким Жоң Ун арасындағы кездесудің дайындық жұмыстары жүріп жатқанын хабарлады.

Песков сөзінде: «Мен тек Ресей мен КХДР басшылары арасындағы кездесудің дайындық жұмыстары жүргізіліп жатқанын растай аламын. Кездесудің орны мен уақыты тұрақтанған кезде бұл туралы мәлімдейтін боламыз», – деген. Оңтүстік Кореяның «Йонхап» агенттігі дүйсенбі күні таратқан хабарында, Ресейдегі кейбір дереккөздерінің мәліметін алға тарта отырып, келер аптада Солтүстік Корея басшысы Ким Жоң Унның Ресейге сапарлай баратынын айтқан. Хабарда айтылуынша, Владимир Путин 26-27 сәуір күндері Бейжіңде өтетін «Бір белдеу, бір жол халықаралық ынтымақтастық форумына» қатысу үшін Қытайға сапарлай барады. Қытай сапарынан бұрын 24 сәуірде Қиыр-Шығыста жергілікті іс шараларға қатысуды жоспарлаған. Осы тұста Солтүстік Корея басшысы Ресей жерінде Путинмен кездеседі делінген.

Дереккөз: qazaqtimes.com

16 сәуір 2019, 17:32

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.