Үндістан тарихындағы ең ірі парламенттік сайлау басталды

Үндістандағы парламенттік сайлауға 900 миллионға жуық адам қатыса алады. Сайлаудың бірінші кезеңі бүгін бейсенбі күні өтеді, деп хабарлайды ҚазАқпарат. 

Бұған дейін Үндістан сайлау комиссиясы мәлім еткендей, алдағы дауыс беру сайлаушылар саны бойынша әлем тарихындағы ең ауқымды сайлау болмақ. Сайлау барлық 29 штатта және жеті одақтық аумақта жеті кезең бойынша өтеді: 11 сәуір, 18 сәуір, 23 сәуір, 29 сәуір, 6 мамыр, 12 мамыр және 19 мамыр. 

Дауыстарды санау 23 мамырда аяқталуы тиіс. Бейсенбі күні 91 сайлау округінде жергілікті уақыт бойынша 07:00-де  сайлау учаскелері ашылып, 18:00-ге дейін жұмыс істейді. Үндістан халқының шамамен 65%-ының жасы 35-тен төмен болғандықтан, сайлаушылардың құрамын тарихтағы ең жасы деп деп те атауға болады. 

Сонымен қатар, бұл әлемдегі ең қымбат сайлау болайын деп тұр: The Times of India басылымының мәліметіне сүйенсек, сайлауға жұмсалатын жалпы шығындардың көлемі 7 млрд долларды құрайды, демек орта есеппен әр сайлаушыға шаққанда 8 доллардан. 1 миллионнан астам дауыс беру учаскелері ашылады. 

Парламенттің төменгі палатасындағы 543 орынға шамамен 8 мың адам үміткер болғалы отыр. Көп дауыс жинаған партия ғана билеуші коалиция құра алады және бұл саяси ұйым үкіметті жасақтайды, ал оның көшбасшысы премьер-министр болады.

Дереккөз: inform.kz