"Ойылдағы балық тұншыққан"

ҚР АШМ орман шаруашылығы және жануарлар дүниесі комитетіндегілер Атырау облысы Қызылқоға ауданының Ойыл өзеніндегі балықтың жаппай қырылуына қатысты түсінік берді. Комитет төрағасы орынбасарының міндетін атқарушы Нариман ЖҮНІСОВ мұның Жайықтағы балықтың қырылуына еш қатысы жоқ екеніне сенімді.

- Екеуі екі түрлі жағдай. Ойыл Жайық пен теңізден едәуір қашықтықта орналасқан және Ақтөбе облысында қар суларынан түзіледі. Себебін анықтау үшін комиссия құрылады, жұмыс нәтижелері туралы хабарланады.

- Ал жорамалыңыз бар ма?

- Өте дәйекті жорамал - суда ерітілген оттегінің жетіспеушілігі. Осының салдарынан балық қырылған.

Фархат ӘБІЛОВ

Суретті түсірген автор