​«Қайрат» андорралық командадан басым түсті

Қазақстандық «Қайрат» пен «Ертіс» Еуропа лигасындағы іріктеу сындарын бастады. Алматылық клуб сырт алаңда андоралық «Энгордани» командасымен кездескен болатын.

Матч қонақтардың айқын басымдығымен өтті. Алғашқы голды 5-минутта «Энгордани» сапындағы Вальтер Вагнер өз қақпасына соқты. Ал 25-минутта Бауыржан Исламхан есепті еселеді. Ол 11 метрлік айып добын сәтті орындады. 

Қайрат сапына жуырда ғана қосылған Мартон Эппель 90-минутта мергендігімен көзге түсіп, қорытынды есепті 0:3-ке жеткізді. Енді қос команда 19 шілде күні Алматыда кездеседі.

Дереккөз: 24.kz