Құмдағы снарядтар

13 маусымда Атырауда 102 пультіне қала маңындағы Контейнерный ықшамауданының тұрғынынан соғыс снарядын тауып алғаны туралы хабарлама түсті.

- Хабарлама расталды. Сол күні снарядты саперлар арнайы сынақ полигонында жойды. Қазір оның жеке секторға қайдан тап болғаны анықталуда, - дейді Атырау облыстық ІІД баспасөз хатшысы Назымгүл ҚАЙСАҒАЛИЕВА.

Алдын-ала мәліметке сәйкес, снаряд құрылыс құмынанда болған. Жақсы үрдіс емес: естеріңізге салсақ, 2 маусымда Атыраудағы Самал ықшамауданында Ұлы Отан соғысы дәуіріндегі соғыс снаряды табылған еді. Онда да үй қожайыны оны учаскесіне төгілген құрылыс құмынан тауып алған болатын.

Фархат ӘБІЛОВ