В Атырау 0 
Мемлекет басшысы Нұрсұлтан Назарбаев инвесторларға Қазақстанның жетістіктері жайлы және олардың Астананы мақтан тұтатындарын айтты, - деп хабарлайды Tengrinews.kz тілшісі.
"(...) Мен өз халқымның атынан сіздерге алғыс білдіремін, сіздерге зор денсаулық пен сіздердің компанияларыңызға жетістіктер тілеймін. Меніңше, бізге әлі бірге біраз жұмыс істеу керек. Бүгінде біз жаһандық өзгерістер мен қиындықтарға, мұнымен қоса, соғыс пен терроризм, мемлекеттер арасындағы санкциялық шилеленістерге куә болып отырмыз. Бізге бұл қиындықтарды жеңу керек, олардың Қазақстанға да әсері бар екені сөзсіз", - деді Президент инвесторларға.
Сондай-ақ, Назарбаев Қазақстанның халықаралық резерві 90 миллиард доллардан асқанын айтады.
Оның айтуынша, бұл екінші экономиканы құруға, мәдени проблемаларды шешуге және халқымыздың әлеуметтік жағдайын жетілдіруге негіз бола алады.
"Doing Business Бүкіләлемдік банкінің рейтингінде Қзақастан соңғы 10 жылда 64-орыннан 36-орынға көтерілді. Біз жаңа елордамызды салып болдық. (...) Қазақстандықтар елордамызды мақтан тұтады", - деді Президент биыл Астананың 20 жылдық мерейтойы өтетінін еске сала отырып.
Дереккөз: tengrinews.kz