Атырау, 15 мамыр 03:09
 ашықВ Атырау +30
$ 428.71
€ 519.12
₽ 5.79

​Қылмыстық жазалауды алып тастау қажет - шетелдік инвесторлар

1 181 просмотра


Астанада ҚР Президенті жанындағы Шетелдік инвесторлар кеңесінің 31-ші пленарлық отырысы басталды. Сол жерде шетелдік компаниялар өз ұсыныстарын жариялады, деп хабарлайды ҚазАқпарат тілшісі.

«Шетелдік инвесторлардың қазақстандық кеңесі» қауымдастығының басшысы Агрис Прейманистің айтуынша, соңғы отырыстан кейін бірнеше жұмыс тобы құрылып, әрбіреуі өз ұсыныстарын әзірледі. 

«Біріншіден, адам капиталын әлі де жақсарту қажет. Әсіресе, қазіргі озық технологияларды ескере отырып, маман даярлау мәселесіне баса назар аударған жөн. Себебі сапалы жұмыс күші әлі де жетіспей жатыр. Ондай проблемаға шетелдік инвесторлар ғана емес, жергілікті компаниялар да тап болуда. Дәл осы мәселе бизнесті дамытуға қолбайлау болып отыр. Екіншіден, жаңа Экологиялық кодексті бірлесіп әзірлеу керек. Бүгінде Қазақстан қоршаған ортаны қорғау мәселесіне ерекше көңіл бөліп келеді. Алайда нормативтік актілерді әзірлегенде қазақстандық өндірістің жаһандық бәсекелестігін де ескеру керек. Соның нәтижесінде экономикалық өсім де болады. Біздіңше, айыппұлдарды салған кезде нақты дәлелдер болуы қажет. Сосын экономикалық залалды жанама бағалауды алып тастаған дұрыс», - деді А.Прейманис бүгінгі отырысында. 

Бұдан бөлек, шетелдік инвесторлар салықты өз еркімен төлеген жағдайда қылмыстық жазалауды алып тастауды ұсынып отыр. Себебі салықтан жалтару кезінде қылмыстық жаза қарастырылған. Осы орайда олар ірі және аса ірі залалдың көлемін қайта қарау қажет деп санайды. 

«Сосын шетелдік компаниялардың филиалдары мен бөлімшелеріне қатысты қазіргі валюталық реттеуді қалдыру қажет», - деп атап көрсетті А.Прейманис. 

Жиын барысында ҚР Инвестициялар және даму министрі Жеңіс Қасымбек Шетелдік инвесторлар кеңесінің жұмыс тиімділігі туралы айтты.

Дереккөз: inform.kz

6 маусым 2018, 11:32

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.