​Оралда екі полицей ұсталды

Оралда екі полицей ұсталды, - деп хабарлайды Tengrinews.kz тілшісі ІІМ-нің ресми өкілі Алмас Сәдубаевқа сілтеме жасап.  

"Оралда ІІД Ішкі қауіпсіздік басқармасының қызметкерлері күдіктіні қылмыстық жауапкершілікке тартамыз деп қорқытып, 240 мың теңгесін алған ІІБ-ның екі лауазымды тұлғасын ұстады", - дейді ІІМ өкілі. 

ІІМ өкілі бұл істі тергеу ең тәжірибелі тергеушіге тапсырылғанын атап өтті.  

Сонымен қатар, ол Шымкентте ЖШС-лардың бірінің менеджерінен 15 миллион теңгесін тартып алмақ болғанда көмекке келген жұмысшыны пышақпен жаралаған ер адамның ұсталғаны туралы хабарлады.  

Сонымен бірге, Алматыда Қарағанды облысы ІІД-нің жедел қызметкерлері биыл сәуірде ақша айырбастау пунктіне қарақшылық шабуыл жасаған қарағандылықты ұстады. 

Дереккөз: tengrinews.kz