В Атырау -10 
Полиция Аcтанада "KADEX-2018 көрме кешенінің территориясында ер адамның қайтыс болу дерегіне байланысты қылмыстық іс тергеп жатыр, - деп хабарлайды Tengrinews.kz тілшісі елордалық ІІД баспасөз қызметіне сілтеме жасап.
"24 мамырда "Каdех - 2018" көрмесінің аумағында болған қайғылы оқиғаға қатысты Астананың ішкі істер департаменті ҚР Қылмыстық кодексінің 306-бабы ("Қауiпсiздiк талаптарына сай келмейтін тауарларды шығару немесе сату, жұмыстарды орындау не қызметтер көрсету") бойынша іс тергеліп жатыр", - деді ІІД өкілдері.
Полиция осы оқиғаның мән-жайын анықтау үшін қажетті шараларды жүргізіп жатыр. 2018 жылы 24 мамырда "KADEX-2018" көрмесі кешенінің аумағында қайғылы оқиға болған еді. Қорғаныс министрлігі және Аэроғарыш өнеркәсібі министрлігінің баспасөз қызметінің мәліметінше, қатты соққан желдің әсерінен ақпараттық стенд құлаған. Соның нәтижесінде ер адам қайтыс болды.
Дереккөз: tengrinews.kz