Ұландар қызыл балықпен ұсталды

Бүгін, 22 мамырда «Пешной» бақылау-өткізу бекетінде «Бекіре-2018» операциясы барысында Ұлттық ұланның арнайы қызмет көлігінің салонынан 162 кг бекіре тұқымдас балық табылды.

- №5546 әскери бөлімінің әскери қызметшілері басқарған «ГАЗель» автокөлігінің жүксалғышын тексеру кезінде Атырау қалалық ІІБ жергілікті полиция қызметкерлері 47 дана бекіре тұқымдас балығын тауып, тәркіледі, - деп хабарлады Атырау облыстық ІІД баспасөз хатшысы Назымгүл ҚАЙСАҒАЛИЕВА. - Осы факті бойынша ҚР ҚК-нің 339-бабы ( «Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен заңсыз айналысу») бойынша сотқа дейінгі тергеу жұмыстары басталды.

Фархат ӘБІЛОВ