​Астана әуежайында жолаушылар ұшағы ұшып-қону жолағынан шығып кетті

Астана әуежайында Airbus-320 ұшағы ұшып-қону жолағынан шығып кетті, - деп хабарлайды Tengrinews.kz тілшісі ҚР Инвестициялар және даму министрлігінің Facebook желісіндегі ресми парақшасына сілтеме жасап.  

"Бүгін Астана әуежайында Эйр Астана әуекомпаниясының KS352 рейсінің тіркеу нөмірі P4-KВВ Airbus-320 ұшағы қону кезінде ұшып-қону жолағынан шығып кетті. Бортта 97 жолаушы және 9 экипаж мүшесі болды. Әуе кемесі тұраққа жеткізілді. Қозғалтқышқа зақым келген. Аэродром 13 сағат 30 минуттан 14 сағат 10 минутқа дейінгі аралықта жабылды", - делінген хабарламада. 

Министрлік өкілдерінің айтуынша, Қазіргі уақытта әуежай штаттық режимде жұмыс істеп жатыр.

Дереккөз: tengrinews.kz