ОҚО-да қыз алып қашып, әлеуметтік желіні шулатқандар табылды

Оңтүстік Қазақстан облысында қыз алып қашып, әлеуметтік желіде танымал болған видео кейіпкерлерінің тұлғасы анықталды, деп хабарлайды ҚазАқпарат өңірдің ішкі істер департаменті баспасөз қызметіне сілтеме жасап. 

«Жуырда БАҚ-та және әлеуметтік желіде қырыққабат сатумен айналысатын қызды алып қашқан сәт түсірілген видео тарап кетті. Оқиға ОҚО-да болған. Ұйымдасқан қылмысқа қарсы күрес басқармасының қызметкерлері ролик кейіпкерлерінің тұлғасын анықтады. Олардың барлығы ОҚО тұрғындары. Қыз да, оның туыстары да ешкімге кінә артып отырған жоқ. Қазіргі кезде қыз тұрмысқа шыққан», - дейді ведомство өкілдері.

Енді қыздың туыстары сол видеороликті желіге таратқандарды сотқа бермек.

Дереккөз: inform.kz