АҚШ Иранға "адам құқығын бұзғаны үшін" санкция салмақ

АҚШ Конгресінің өкілдер палатасы Иран билігінің лауазымды өкілдеріне адам құқығын бұзуына байланысты санкция салуды қарастыратын заң жобасын мақұлдады. Бұл туралы мәлімдеме өкілдер палатасының халықаралық істер жөніндегі комитетінің сайтында жарияланды.

Заң жобасы бойынша, шектеу шаралары Иранда АҚШ азаматтарының саяси себеппен заңсыз түрмеге жабылуына қатысы бар шенеуніктерге қолданылады. Құжатта сонымен қатар Ақ үйден сыбайлас жемқорлық қылмысын жасағаны үшін ирандық компанияларға санкция салу қажет пе деген мәселені шешу талап етілген.

Дереккөз: azattyq.org