Тұтқынға алынған қырғыз кәсіпкері босатылды - ҚР ІІМ

2 188 рет қаралды

Жамбылдық полицейлер тұтқынға түскен Қырғыз азаматын босатып алды. Бұл туралы ҚР ІІМ Мемлекеттік тіл және ақпарат департаментінің директоры Алмас Садубаев айтты, деп хабарлайды ҚазАқпарат.

«Арнайы операция барысында Жамбыл облыстық ішкі істер департаментінің қызметкерлері ұрланған Қырғыз Республикасының жеке кәсіпкерін босатып алды. Алматы қаласының үш тұрғыны қылмыс жасады деген күдікке ілігіп отыр», - деді ол.

Оның айтуынша, 17 сәуір күні «Алматы-Тараз» тас жолында жеке көлікке мінген күдіктілер қырғызстандық мінген автомобильды мәжбүрлеп тоқтатқан. Осыдан кейін өздерін полиция қызметкері ретінде таныстырып, оны ұрлап кеткен.

«Операция барысында көрші елдің ұрланған азаматы зардап шеккен жоқ. Ұсталғандар уақытша оқшаулағышқа қамалды», - деді Алмас Садубаев.

Дереккөз: inform.kz

18 сәуір 2018, 10:07

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.