Мәскеу Мемлекеттік халықаралық қатынастар институтының оқу ғимаратынан құлап кеткен қазақстандық қызға қатысты оқиға Ресейдегі Қазақстан Елшілігінің айырықша назарында, деп хабарлайды ведомство баспасөз қызметі.
«13 сәуір күні ММХҚИ оқу ғимаратынан құлап кеткен 1997 жылы туған Қазақстан азаматшасына қатысты қылмыстық іс қозғалды. Тергеу шараларының мүддесіне байланысты, жүргізіліп жатқан іске қатысты әзірге ештеңе жарияланбайды»,-деді жергілікті тергеу бөлімінің баспасөз қызметі.
Дәрігерлердің дерегіне сүйенсек, 15 сәуірдегі жағдай бойынша қазақстандық студенттің хәлі өте ауыр, бірақ қалыпты, бірнеше жедел ота жасалған.
«Институттың тәрбие жұмыстары бойынша проректоры И.Логиновпен кездесу өтіп, алдағы уақытта студент қыздың анасының жатақханада ақысыз түрде бірге тұру мәселесі шешілді» деп жазылған хабарламада.
Дереккөз: inform.kz