​ОҚО-да атысқа қатысқандардың бірі қайтыс болды

Оңтүстік Қазақстан облысында атысқа қатысқандардың бірі қайтыс болды, - деп хабарлайды Tengrinews.kz тілшісі ҚР ІІМ өкілі сілтеме жасай отырып.

"Кеше Оңтүстік Қазақстан облысы Сарыағаш қаласында жергілікті тұрғын жеккөрушілік қарым-қатынастың негізінде көрші ауылдың тұрғынына оқ атты. Ер адам ауруханада көз жұмды", - деп хабарлады ҚР ІІМ ресми өкілі Алмас Сәдубаев. 

Полицияның мәліметінше, жедел-іздестіру шаралары барысында күдікті анықталды. 

"Оған іздеу жарияланды. Күдіктіні ұстауға бағытталған іс-шаралар жүргізіліп жатыр. Сараптамалар тағайындалды. Тергеу жүргізіліп жатыр", - деді Алмас Сәдубаев. 

Еске сала кетейік, осыған дейін ОҚО-да атыс болғаны жайлы хабарланған еді. Сондай-ақ, төтенше жағдай салдарынан екі адамның түрлі жарақаттармен ауруханаға жеткізілгені айтылған еді.

Дереккөз: tengrinews.kz