Телефон қымбаттап, интернет арзандады

1-ші ақпаннан бастап «Қазақтелеком» жаңа тарифтер енгізбек.

Келесі айдан бастап жеке тұлғалар үшін негізгі телефонның абоненттік төлемақысы 20 пайызға өспек. Қала тұрғындары үшін -582,40 теңгеден 698,88 теңгеге дейін, ауыл тұрғындары үшін – 386, 68 теңгеден 464,02 30 теңгеге дейін.

Сондай-ақ, жеке нотариустарға, адвокаттарға және жеке кәсіпкерлерге арналған телефон үшін абоненттік төлемақы да 722,06 теңгеден836,20 теңгеге дейін көбеймек.

Заңды тұлғалар үшін, сондай-ақ, барлық топтағы қолданушылар үшін қалааралық телефон байланысы үшін абоненттік төлем бұрынғы қалпында қалады.

Сонымен қатар, «Қазақтелеком» жылдамдығы 256Кбит/с-дан кем болмайтын Интернет торабын ұжымдық пайдалану қызметі үшін тарифтің 52,38 пайызға төмендегенін хабарлайды. Ол енді әрбір толық/толық емес бір минуттық байланыс үшін 2,24 теңге құрамақ.

Тамара СУХОМЛИНОВА