В Атырау -1 
Қазақстандық ауыр атлет Илья Ильин ОКҚ-да өткен брифинг барысында спортқа оралуы туралы айтып берді.
- Уәде бергенімдей сіздермен қайта жүздесіп отырмын. Неге мұнда отырмын дейсіздер ме? Алғысымды білдіргім келеді. Бүкіл Қазақстанға. Арқамнан ауыр жүк түскендей. Маған бекем бол деген Нұрсұлтан Әбішұлына рақмет. Менің спортта қалуым үшін барлық жағдай жасады. Ата-анам мен туғандарыма рақмет", - дейді Ильин.
- Сіз бапкер болып істеп келдіңіз бе? Қиын сәтте кім қол ұшын берді?
- Спортта жүргеніме 20 жыл. Бұл спортты сүйем. Жанымда әрдайым жас буын табылады. Менімен жұмыс істегісі келген адамды қалай жаттықтырмайсың, сондықтан, семинарлар мен шеберлік сағттарын жүргіздім.
Маған көп адамдар көмектесті. Федерация да, министрлік те. Үнемі қолдау білдіріп келді. Швейцарияға бардық, адвокаттар жалдадық, британиялық. Федерация мен Конфедерация бүкіл шығынды өзіне алды. 5 қазанда отырыс болды. Бәрі жақсы өтіп, маған бір-екі ай күте тұр деген болатын.
- Олимпиада жолдамасы үшін күресіесіз бе және салмақ дәрежесін ауыстырасыз ба?
- Олимпиадаға барамын ба білмеймін. Бірақ оралғым келеді, жасым 29-да ғана ғой. Алдымен елдің спорт жетекшілігімен кездесу керек. Жарты жыл ауыр көтергенім жоқ. 170 және 215 келі ғана көтеріп жүрдім. Ол 75 пайыз ғана. Дәрігерлер бәрі дұрыс десе, команда жинау керек...
Бара аламын ба, жоқ па, осындан кейін ғана белгілі болады. Токио Олимпиадасы ойымнан шықпай қойды. Ал салмаққа байланысты 94 әлде 105 келі ма, соны шешіп алу керек. 10 келі салмақ тастадым. 99-100 келі шамасындамын. 32- жас - өзіңді толық ашып көрсететін шың. 94 келі дәрежесінде де көтеретін салмақтар жеңіл болады. Дайындалу керек.
Еске салайық, мұның алдында 29 жастағы Илья Ильин екі жыл бұрын допинг дауына байланысты спортан шеттетілген болатын. 2018 жылдың 10 маусымында шеттеу уақыты аяқталып, спортшының 2020 жылғы Токио Олимпиадасында өнер көрсете алатынын хабарланған болатын.
Дереккөз: vesti.kz