В Атырау +3.7 
Ақтауда автокөліктің газ-баллон жабдығының жарылуы қайғылы жағдайға аз-ақ қалды. Жанып жатқан 45 литрлік газ баллоны едәуір қашықтыққа ұшып кеткен. Сол сәтте маңайдан өтіп бара жатқан әйел ұшып келе жатқан затты байқап, қозғалыс бағытын күрт өзгерткен.
Lada.kz сайтының хабарлауынша, әлеуметтік желілерде тараған кадрлардан отқа оранған газ баллонының жол үстімен ұшып бара жатқанын көруге болады. Бақытымызға орай, баллон құлаған жерде адамдар болмаған.
Оқиға 12 қарашада Ақтау қаласының 27-шағынауданында болған. Маңғыстау облысының Төтенше жағдайлар департаментінің мәліметінше, Hyundai Elantra автокөлігінің өртенгені туралы хабарлама сағат 11:46-да түскен. Көлікке көлемі 45 литрлік газ-баллон жабдығы орнатылған.
Өрт сөндіру бөлімшелері жеткенге дейін жарылыс болған. Сағат 11:58-де өрт толық сөндірілді. Оқиға орнында ТЖД-ның алты қызметкері мен бір техника жұмыс істеді.
Оқиға салдарынан ешкім зардап шеккен жоқ.
ТЖД өкілдері газ баллоны жарылған кезде едәуір қашықтыққа ұшып кетуі мүмкін екенін және айналадағы адамдарға қауіп төндіретінін растады.