Мемлекет басшысынан сөгіс алған ҚР Энергетика министрі Қанат Бозымбаев бензин тапшылығы мәселесі қайталанбайтынын айтты. Бұл туралы ол Орталық коммуникациялар қызметінде өткен баспасөз мәслиxатында мәлімдеді, деп xабарлайды Baq.kz тілшісі.
Журналист: «Күздегі жанармай тапшылығы кезіндегі мәселе бойынша сіздің орынбасарыңыз бен «ҚазМұнайГаз» президентінің орныбасары қызметінен кетті. Сіз сөгіс алдыңыз. Енді келесіде осындай жағдай қайталанса тікелей өз мойныңызға ала аласыз ба?» – деген сауал жолдады.
ҚР Энергетика министрі Қанат Бозымбаев ол мәселенің қайталанбайтынын мәлімдеді.
«Сөгіс алдық. Іс-қимыл жасап жатырмыз. Енді ол мәселе қайталанбайтын шығар деп ойлаймын. Екі-үш рет бола ма, бесінші рет бола ма менің басшыларым бар. Не істейді, қандай шаралар қабылдайды олар өздері біледі», - деді ҚР энгетика министрі Орталық Коммуникациялар қызметінде өткен баспасөз-мәслиxатында.
Еске сала кетсек, бұған дейін Мемлекет басшысы Қанат Бозымбаевқа сөгіс жариялаған болатын.
Дереккөз: Baq.kz