Қазақстан Наурыз мейрамында Орталық Азия елдерінің басшыларын жинауды ұсынды

Қазақстан Орталық Азия елдері басшыларымен бейресми кездесу өткізу туралы бастаманы жүзеге асыратын болады. Бұл туралы ҚР сыртқы істер министрі Қайрат Әбдірахманов (суретте) айтты, - деп хабарлайды Tengrinews.kz тілшісі. 

"Біз Орталық Азия елдері басшыларын бейресми жинау туралы бастаманы енгізу бойынша барлық көршілерімізбен бірге жұмыс жасаймыз. Көктемгі мереке - Наурыз мейрамы біздің Елбасымыздың төрағалығымен, сондай-ақ, Орталық Азия елдері көшбасшыларының қатысуымен көптен күткен кездесуді өткізуге себеп болар еді", - деді министр Әбдірахманов Астанада өтіп жатқан халықаралық парламенттік конференция барысында. 

Дереккөз: Tengrinews.kz