Атырау, 22 қыркүйек 10:33
Күндіз ашық+23, кешке +16
ҚР Ұлттық банкінің валюта бағамы: $ 359.00  € 420.10  P 5.41

Атырауда қоқыс контейнерінен сәби табылды  

7 қараша 2017 16:34


Бүгін түнде, 7 қарашада Атыраудағы Нұрсая ықшам ауданында №64 үйдің жанындағы қоқыс жәшігінен пакетке салынған жаңа туылған қыз бала табылды.

Куәгерлердің айтуынша, сәбидің кіндігі де кесілмеген. Оқиға орнына келген полиция қызметкерлері мен дәрігерлер сәбидің кіндігін кесіп, облыстық ауруханаға алып кеткен.

- Мен түнгі он екі шамасында есік алдына шылым шегуге шықтым. Қоқыс жәшігінің қасына барсам, бірдеңе тыпырлап, жылайды. Тыпырлаған мысық па деп ойладым. Ашып қарасам, сәби жатыр екен. Шошып кетім, үйге, жылы жерге әкеліп, 102-ге хабарластым. Дәрігерлер мен полиция келді, - дейді баланы тауып алған тұрғын. - Өзімнің бес ұлым бар. Енді осы қызды асырап алғымыз келеді. Бүгін күндіз барып, сәбидің жағдайын біліп келдік. Дәрігерлер еш жеріне зақым келмеген, жағдайы жақсы дейді.   

Ернат СЫБАНКУЛОВ, Атырау облысы прокуроры:

- Нұрсая ықшам ауданындағы қоқыс жәшігінен сәбидің табылғаны рас. Сәбиді тапқан Атырау қаласының тұрғыны бірден қалалық ІІБ-не хабар берген.  Қазіргі уақытта сәби Атырау облыстық перинаталдық орталығында. Бұл факт ҚР ҚК-ның 24-бабы және 100-бабы бойынша (жаңа туған сәбидің өлім құшуы фактісі) сотқа дейінгі тергеулердің бірыңғай реестріне тіркеліп, сотқа дейінгі тергеу басталды. Тергеу барысы облыс прокуратурасының бақылауына алынды.

№64 үйдің тұрғындарының айтуынша, сәби табылған ауладағы бейнебақылау камераларының істен шыққанына екі жылдан астам уақыт болғанын айтады.

Фархат ӘБІЛОВ

Нашли ошибку? Выделите её мышью и нажмите Ctrl + Enter.
 

5615 рет қаралдыБасты бет Поделиться:

Подпишитесь и узнавайте о новостях первыми


Тақырып бойынша жаңалықтар

​Құлсарыда қоқыс жәшігінен өлі шарана табылды  1751 рет қаралды

​Қостанайда қоқыс жәшігінен табылған сәби көз жұмды   275 рет қаралды

Қостанайда қоқыс жәшігінен нәресте табылды  258 рет қаралды

Ұландар қызыл балықпен ұсталды  2807 рет қаралды

Басты бет

1 2 3 4 5 6