Парламент Мәжілісінің бюросы өз отырысында палатаның бейінді комитеттерінің ұсыныстары бойынша алдағы жалпы отырыстың күн тәртібі жобасын қалыптастырды.
Сонымен Мәжілістің жалпы отырысында жер қойнауы және оны пайдалану мәселелеріне арналған жаңа Кодекс жобасын бірінші оқылымда қарау ұсынылады. Сондай-ақ депутаттар ақпарат және коммуникациялар мәселелері бойынша қолданыстағы заңнамаға өзгерістер мен толықтырулар енгізуді қарастыратын, журналистер мен қоғамның қызығушылығын тудырып отырған жаңа заңның жобасын бірінші оқылымда қарайды деп күтілуде.
Күн тәртібі таяуда ғана парламентке енгізілген жаңа жобалардан тұрады, палата өзінің бейінді комитеттеріне олар бойынша қорытынды әзірлеу мерзімдерін белгілемек. Олардың қатарында «Қазақстан Республикасының кейбір заңнамалық актілеріне ішкі істер органдарының қызметін жетілдіру мәселелері бойынша өзгерістер мен толықтырулар енгізу туралы» заң жобасы және ілеспе түзетулерімен бірге, «Адвокаттық қызмет және заң көмегі туралы» заң жобасы бар.
Дереккөз: Аikyn.kz