ҚР футбол федерациясы логотипі мен атауын өзгертті

Астанада Қазақстан футбол федерациясы өз логотипі мен атауын өзгертті, деп хабарлайды ҚазАқпарат тілшісі.  

ҚР футбол федерациясының XV Конференциясында ұйым атауын өзгерту туралы шешім қабылдаған. Енді ұйым аты - Қазақстан футбол федерациясы, ал қысқаша атауы - ҚФФ. Осыған қоса Қазақстан футбол федерациясының логотипі де өзгеріске ұшырады. Енді ол замануи әрі жинақы. Федерацияның тек атауы қатты өзгерді. Логотиптегі толық атау ҚФФ-ға ауысты. Осылайша ол көзге ерекше көрінеді және оны халықаралық деңгейде қолдануға да ыңғайлы. 

Федерацияның баспасөз қызметінің хабарлауына қарағанда, фирмалық түстер мен негізгі элементтер өзгеріссіз қалды: бүркіт (еркіндік пен тәуелсіздіктің белгісі), доп (футбол) және күн (болашаққа деген шуақты әрі сенімді көзқарас). Жаңа фирмалық стильге ауысу 2017 жылдың соңына дейін жүреді.

Дереккөз: ҚазАқпарат