Атырау, 29 наурыз 20:28
 ашықВ Атырау +1
$ 448.15
€ 483.46
₽ 4.86

Қостанайда педофил 17 жылға сотталды

1 881 просмотра


Қостанай облысы қылмыстық істер бойынша мамандандырылған ауданаралық сотында кәмелеттік жасқа толмаған үш қызды зорлауға әрекеттенген облыс тұрғынына қатысты сот ісі қаралды, деп хабарлайды ҚазАқпарат тілшісі. 

Іс материалдары бойынша, 40 жастағы Леонид Кравцов Первомай орта мектебінде жұмыс істеп жүргенде арсыз әрекетке барған. Музыка пәнінің мұғалімі үстіміздегі жылдың 12 маусымы күні Мәдениет үйіне үш қызды алдап әкелген. Сәлден соң 6,7 және 10 жасар үш оқушының киімдерін шеше бастаған. Алайда 10 жасар қыз бірден Мәдениет үйінен қашып кеткен. Кейін белгілі болғандай, Кравцов қыздарды пианино үйретуге және тығылмақ ойнауға шақырған.  

Сот үкімімен педофил қылмыс жасады деп айыпталып, ҚР ҚК «14 жасқа дейінгі баланы зорлауға оқталу» бабы бойынша 17 жылға бас бостандығынан айыру жазасы тағайындалды. Ол өмір бойы педагогика саласында қызмет істеу құқығынан айырылды.

Дереккөз: ҚазАқпарат


12 қазан 2017, 12:01

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.