Оралда ұшақ әуежайға шассиі ашылмаған күйі қонды

Орал әуежайына Air Control компаниясының ұшағы шассиі ашылмаған күйі қонды деп хабарлады индустрия және даму министрлігінің азаматтық авиация комитетіне сілтеме жасаған жергілікті агенттіктер.

Әуе оқиғасы 10 қазан күні сағат 20:56-да болған. Ұшақта экипаждың үш адамынан өзге кісі болмаған. Төтенше оқиғадан ешкім зардап шекпеген.

Комитет ақпаратына қарағанда, ұшақ Орал әуежайының ұшу-қону жолағы навигациялық жүйесін аралап ұшып жүрген.

Tengrinews.kz сайтының Орал әуежайының директоры Хайретдин Рысқалиевке сілтеме жасап хабарлауынша, Super King Air 350 ұшағының алдыңғы терезесіне құс соқтыққан. Төтенше оқиғадан ұшу-қону жолағы зақымданбаған, әуежай қалыпты жұмыс істеп тұр.

Былтыр 27 наурызда Bek Air әуе компаниясының 2041-рейсімен Қызылордадан ұшып келген Fokker-100 ұшағын экипаж Астана әуежайына алдыңғы шассиі ашылмаған күйі қондырған еді. Ұшақтағы адамдар зардап шекпеген.

Дереккөз: Азаттық