Әлем чемпионатының финалдық кезеңіне шыққан 15 құрама белгілі болды

2018 жылы Ресей жерінде өтетін әлем біріншілігінің финалдық кезеңінде өнер көрсететін 15 құрама белгілі болды, деп хабарлайды Vesti.kz порталы. 

Еуропа құрылығынан әлем біріншілігінің финалдық кезеңіне турнирді ұйымдастырушы Ресейден бөлек, Бельгия (Н тобында бірінші орын), Германия (С тобында бірінші орын), Англия (F тобында бірінші орын), Испания құрамасы (G тобында бірінші орын) және Польша (Е тобында бірінші орын) құрамалары шығып отыр. 

Сонымен қатар келер жылғы әлем біріншілігінде Иран (Азия іріктеу кезеңінде А тобында бірінші орын), Жапония (Азия іріктеу кезеңінде В тобында бірінші орын), Мексика (солтүстікамерика құрылығының іріктеу кезеңінде бірінші орын), Бразилия (КОНМЕБОЛ іріктеуінде бірінші орын), Оңтүстік Корея (Азия іріктеу кезеңінде А тобында екінші орын), Сауд Арабиясы (Азия іріктеу кезеңінде А тобында екінші орын), Мысыр (Африка іріктеу кезеңінде Е тобында бірінші орын), Коста-Рика (солтүстікамерика құрамасындағы іріктекде екінші орын), Нигерия (Африка құрылығында В тобында бірінші орын) секілді құрамалар жолдама алып отыр. 

Еске салсақ, өз тобындағы 10 ойыннан кейін 3 ұпай жинаған Қазақстан құрамасы соңғы орында (6-орын) қалды.

Еске салсақ, 2018 жылы әлем біріншілігі Ресейде 14 маусым мен 15 шілде аралығында өтеді. Финалды кезеңде 32 құрама өнер көрсетеді. 

Дереккөз: Vesti.kz