Байқоңырдан "Протон" зымыраны байланыс спутнигін алып ұшты

1 871 просмотра

"Байқоңыр космодромынан ресейлік "Протон-М" зымыран тасығышы "Бриз-М" үдеткіш блогымен AsiaSat-9 телекоммуникациялық спутнигін алып ұшты" деп хабарлады Ресей ғарыш агенттігі ("Роскосмос"). Зымыран Астана уақытымен 29 қыркүйек күні 00:52-де ұшырылған.

"Роскосмостың" хабарлауынша, ғарыш аппараты үдеткіш блоктан Астана уақытымен сағат 10:05-те ажырамақ.

AsiaSat-9 спутнигін Гонконгта орналасқан Asia Satellite спутниктік байланыс операторының тапсырысы бойынша АҚШ-тың SpaceSystems/Loral фирмасы жасаған. Спутник Азия-Тынық мұхиты аймағында ұялы байланыс, телехабар тарату, және интернет қызметін көрсетуге арналған.

"Протон" зымыран тасығышы соңғы екі айда осымен үшінші рет ұшырылып отыр. Алдыңғы екі зымыран тамығыш 17 тамызда және 12 қыркүйекте ұшырылған.

Дереккөз: Азаттық

29 қыркүйек 2017, 10:19

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.