"Абу-Даби Плаза" маңындағы төбелес: 60-тан аса үндістандық азамат елден шығарылады

2 822 рет қаралды

Астана басшылығы БАӘ-ның Қазақстандағы төтенше және өкілетті елшісімен және Arabtec Holding PJSC компаниясының ("Абу-Даби Плаза" кешенінің бас мердігері) басшылығымен кездесу өткізді, - деп хабарлайды Tengrinews.kz.

Кездесу "Абу-Даби Плаза" құрылыс алаңындағы бақылау-өткізу пунктінде 2 қыркүйекте болған төтенше жағдайға қатысты өтті. Arabtec Holding PJSC компаниясының басшылығы таяу күндері 61 шетелдік азаматтың (Үндістан азаматтары) ереже мен қоғамдық тәртіпті бұзғаны үшін елден шығарылатынын хабарлады, алғашқы 23 адам бір тәулік ішінде елден шығарылады екен.

Әңгіме барысында қала басшылығы мұндай жағдайдың қайталанбауын ескертті және шетелдіктерден Қазақстан Республикасының Заңына бағынып, моральдық-әдеп тәртібі нормаларын сақтауды, сондай-ақ Қазақстан халқының салтына сыйластықпен қарауды талап етті.

Дереккөз: Tengrinews.kz

8 қыркүйек 2017, 13:58

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.