Шетелдік ғалымдар алманың отаны Қазақстан екенін анықтады

7 830 рет қаралды

Қытай және Америка ғалымдары «Malus domestica» алмасының шығу тегін зерттей келе, алма Қазақстаннан шыққанын анықтады, деп хабарлайды Baq.kz ақпарат агенттігі The Guardian-ға сілтеме жасап.

NatureCommunications журналында жарияланған мақалада әлемге кең таралған атақты үй алмасы Қазақстаннан, яғни бүгінгі күнге дейін жабайы алма өсетін Тянь-Шаннан шыққаны айтылыпты. Содан соң жеміс Ұлы Жібек жолы арқылы әлемге таралып кеткен.

Ғалымдардың зерттеуінше, қазіргі алма генінің Қазақстанда өсетін алма генімен сәйкестігі 46 %-ды көрсетеді. Мұндай қорытындыға келу үшін авторлар Солтүстік Америка мен Қытайда өсетін 117 түрлі алма генін тексерген.

Бұған дейін мамандар алманың отаны Орталық Азия (Қырғызстан, Қазақстанның шығысы, Қытайдың солтүстік-батысы) деп келді. Генетикалық зерттеу жұмыстары бұл болжамды нақтылай түсіп, «Malus domestica» үй алмасы Қазақстаннан шыққанын дәлелдеп отыр.

Дереккөз: Baq.kz

17 тамыз 2017, 16:26

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.