Қазпошта 35 бағыт бойынша EMS жедел жеткізу қызметін іске қосты

3 134 рет қаралды

Қазпошта 35 бағыт бойынша EMS жөнелтімдерді «күнбе-күн» жедел жеткізу қызметін іске қосты, деп хабарлайды Baq.kz ақпарат агенттігі.

Қазпошта хаттар мен сәлемдемелерді жедел жеткізу қызметі 2014 жылдан бастап хаттарды қабылдаған күні 23.00-ге дейін Астана және Алматы тұрғындарына жеткізіп келеді. Енді Қазпошта «EMS-Kazpost» бөлімшесі бұл географияны республика бойынша 35 бағытқа дейін кеңейтті және құжатты қабылдау уақытын ұзартты.

«Күнбе-күн» қызметін пайдалану үшін клиент жөнелтімді қабылдау пунктіне сағат 09.00-дан бастап сағат 13.00-ге дейін тапсыруы тиіс (қабылдау уақыты өңірлерге қатысты өзгереді). Мысалға, Алматыдан Қызылордаға хат-хабар жіберу кезінде, оны қабылдау пунктіне сағат 13.00-ге дейін тапсыру керек, алушыға жөнелтім сағат 23.00-ке дейін жеткізіледі. Астанадан Шымкентке жедел жөнелтімді сағат 09.30-ға дейін беру керек, ол мекен-жайға сол күні сағат 15.00-ден 18.00-ге дейін жеткізілетін болады.

«EMS жөнелтім – хатты немесе сәлемдемені жеткізудің ең жылдам және қолайлы тәсілі. Курьер сәлемдемені жөнелтушіге қолайлы орыннан алып кетеді және оны қабылдап алушының үйіне немесе офисіне жеткізеді. EMS-жөнелтім тіркелеліп, оны жеткізу мен тапсыруды трек-нөмірі арқылы қадағалауға болады. Қызмет үшін тарифтер 5000тг/0,3кг-нан 15000тг/10кг-ға дейін өзгерді», - деп атап өтті «EMS-Kazpost» директоры Диас Мырзаханов.

Жеткізу мерзімдерін қысқарту үшін «EMS-Kazpost» хат-хабарларды облыс орталықтары арасында авиакөлікпен, бір-бірінен 250 км-ден аспайтын қашықтықта орналасқан қалалар арасында автокөлікпен жөнелтеді.

Хаттар мен басқа да хат-хабарларды «Күнбе-күн» жеткізу қызметі төмендегідей 35 бағыт бойынша көрсетілетін болады:

1. Ақтау-Алматы

2. Ақтау-Атырау

3. Қостанай - Алматы

4. Алматы-Астана

5. Алматы-Ақтау

6. Алматы-Талдықорган

7. Талдықорган - Алматы

8. Алматы-Павлодар

9. Алматы-Қызылорда

10. Алматы-Қарағанды/ Астана арқылы транзит

11. Алматы - Қостанай

12. Алматы-Шымкент

13. Павлодар - Алматы

14. Орал - Астана

15. Қызылорда-Астана

16. Атырау-Астана

17. Петропавл-Астана

18. Көкшетау - Петропавл

19. Көкшетау-Ақтау

20. Көкшетау-Алматы

21. Көкшетау - Астана

22. Астана - Көкшетау

23. Қарағанды-Астана

24. Астана-Қарағанды

25. Қарағанды-Алматы

26. Шымкент-Астана

27. Астана-Шымкент

28. Шымкент - Ақтау

29. Тараз-Астана

30. Астана-Алматы

31. Астана-Орал

32. Астана-Ақтау

33. Астана-Тараз

34. Астана - Өскемен

35. Петропавл - Көкшетау

Дереккөз: Baq.kz

14 тамыз 2017, 10:58

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.