​Свобода көмекке келді

«Бейбарыс» ХК сайтында клубтың чех қақпашысы Адам СВОБОДАМЕН келісімшарт жасасқаны хабарланды.

Өткен маусымда 38 жастағы қақпашы «Градец-Кралове» және «Литомерице» клубтары үшін ойнаған болатын. Қақпашының қызмет тізімінде чехтың «Спарта», «Пардубице», «Славия», ресейлік «Лада» (Тольятти) және «Авангард» (Омбы) клубтары бар.

Свобода – Чехияның бірнеше дүркін чемпионы. 2005 жылы Чехия құрамасында әлем чемпионы, ал бір жылдан кейін күміс жүлдегер атанды.

Мұрат СҰЛТАНҒАЛИЕВ