В Атырау
+5 
Атырауда 60 пәтерлік үш тұрғын үй пайдалануға берілді – оның екеуі Нұрсая ықшам ауданында және біреуі Махамбет көшесінің бойында.
Қалалық әкімдіктің баспасөз хатшысы Назымгүл ҚАЙСАҒАЛИЕВАхабарлағандай, жаңа пәтер кілттерін 171 адам алған. Бұлар Нәубетов көшесіндегі №№77, 77 «а», 78, Мырзағали қазірет көшесіндегі №76, Огородная көшесіндегі №40, Сатыбалдиев көшесіндегі №50, Лазо көшесіндегі №№18 және 20, Баймұханов көшесіндегі №72 және Мир даңғылындағы №76 апатты үйлердің тұрғындары, сондай-ақ, бюджеттік мекеме қызметкерлері, мемлекеттік қызметкерлер және кезекте тұрушылар.
Нұрсаядағы №№28 және 29 үйлерді «АтырауҚұрманқұрылыс» ЖШС, Махамбет көшесіндегі №134 үйді «СнабОйл» ЖШС салған.
Қала әкімінің орынбасары Әділбек НҰРЛЫҒОЖИЕВТІҢ айтуынша, келер жылы Атырауда тағы 8 апатты үйлер күреледіекен. Ал олардың орнына несиелік және арендалық баспана санатындағы көппәтерлі 10 үй салына бастайды.
Лаура СҮЛЕЙМЕНОВА
Фотосурет "АЖ" мұрағатынан алынды