Әскери сайыс

Атырауда облыстық әскери-патриоттық клубтардың слеты өтті.

Финалға жеті команда қатысты. Бағдарламаға саптық дайындық, Калашников автоматын бұзу және құрастыру, жалпы әскери қорғаныш костюмін кию, керме ағашқа тартылу, 60 метрге жүгіру, пневматикалық винтовкадан ату сайыстары кірді.

Диас Мұрадымов, Анна Иванова, Саябек Оразынбетов, Нұржан Халық, Әсел Аққалиева, Серікбай Әділгерей, Саябек Бақтығалиев, Берекет Жалғасов, Индира Гумарова мен Айна Мақсотова сайыстың алуан түрінің жеңімпаздары атанды. Атырау қаласындағы Жамбыл атындағы мектеп командасы жалпыкомандалық 1-ші орынды иеленді.

Мұрат СҰЛТАНҒАЛИЕВ

Суретті түсірген Нұрлан Елеуов