В Атырау -2 
Атырау облысының намысын қорғайтын қазақстандық спортшы Жансел ДЕНИЗ 67 келіге дейінгі салмақта таеквондодан олимпиадалық лицензияны жеңіп алды.
Бұл туралы облыстық таеквондо федерациясының президенті Арман ТОҒАЕВ хабарлады:
- Филиппин астанасы Манилада өткен лицензиялық турнирде Жансел финалға шығып, осылайша автоматты түрде Бразилияда өтетін Олимпиадада бақ сынауға құқық алды.
Ширек финалда Жансел Пәкістан өкілін 18:0 есебімен жеңді. Содан кейін қосымша раундта веьетнамдық спортшыдан басым түсті. Финалда өзбекстандық бәсекелесімен күш сынасады. Алайда Жансел мақсатына қол жеткізді – ол Риоға барады.
Оны сайысқа 2008 жылғы Олимпиаданың қола жүлдегері Арман ШЫЛМАНОВ дайындады.
Мұрат СҰЛТАНҒАЛИЕВ
Сурет А.Тоғаевтікі
18 сәуір 2016, 10:28