В Атырау
+5 
Жексенбі күні, 27 қарашада Атырау халықаралық әуежайынан жарылғыш құрылғысына ұқсайтын зат табылып, бұл Атырау-Амстердам рейсін 2 сағатқа кешіктірген.
Осыған қатысты облыстың көлік прокуроры Болат ХАЛЫҚОВ былай деп хабарлады:
«Шынымен де, жексенбі күні таңертеңгі сағат 7-лерде ұшып келу залының дәретхана бөлмесінен сыммен оралған 6 электр батарейкасы табылған. Әуежай қызметкерлері нұсқаунамаға сәйкес әрекет етті. Шақырылған саперлер ешқандай қауіп жоқ екендігін анықтады».
Бейресми ақпарат көзі бойынша, қалада шұғыл әрекет ету оқу-жаттығу ойындары өтіп жатыр екен. Осындай жаттығу шарасы жақында облыстық прокуратура мен «Теңізшевройл» компаниясының ғимаратында өткен. 2 сағат бойына халықаралық әуе жолы рейсін кешіктірген әуежайдағы осы жағдай жаттығу дабылдарына жата ма, әлде әлдебіреудің ащы қалжыңы ма? Ресми тұлғалардың ешқайсысы нақты жауап берген жоқ.
Мұрат СҰЛТАНҒАЛИЕВ