Атырау, 22 наурыз 19:55
Түнде ашық+3, таңертең +8
ҚР Ұлттық банкінің валюта бағамы: $ 376.40  € 427.36  P 5.86

Қыстық азық қоймада

17 қараша 2011 16:24

Облыстық әкімдік экономистерінде «азық-түлік интервенциясы» деген термин бар.  Яғни, маусымға әзірленген немесе облысқа бағасы жағынан анағұрлым қолайлы аймақтардан әкелінген азық-түліктер нарыққа шығарылады. Бізде көбінесе картоп пен ет «интервенттерге» айналады. Алайда осынау ауқымды «ұрыс» операциясын бастау туралы бұйрық беріп қою аз, оған алдын ала дайындалған да маңызды.

Атырау қаласындағы Ардагер ықшам ауданында былтырдан бері ірі көкөніс сақтау орны жұмыс жасап жатыр. Ол әрбіреуі 3 мың тонна картоп, 500 тонна пияз, 300 тонна сәбіз, 300 тонна қызылша және 1 мың тонна орамжапырақ сақтауға есептелген екі қоймадан тұрады. Қоймалар голландық техникамен жарақталған. Биылғы жылдан бастап сақтау қоймасы «Атырау» әлеуметтік-кәсіпкерлік корпорациясының (ӘКК) балансына берілген.

«Атырау» ӘКК басқармасы төрағасының орынбасары Мұрат САРМАҒАМБЕТОВТІҢ айтуынша, көкөніс қоймасында жыл сайын қыста және көктемде орын алатын баға шарықтауы кезінде облыс базарларына төменгі баға бойынша жеткізілетін көкөністер сақталады. Көкөніс қоймасын «Атырау» ауылшаруашылық компаниясы» ЖШС («Атырау» АК) пайдаланады. Қоймалардағы көкөністер «Атырау» ӘКК мен «Атырау» АК-ның  49 және 51 пайыз үлесін құрайды.

«Атырау» АК» ЖШС бас директоры Василий ЧЖЕННІҢ айтуынша, қоймалардағы арзан азық-түліктерді облыстық және қалалық әкімшіліктегілердің бұйрығынсыз саттыққа шығармайды екен. Қазір қойма іші 70 пайызға толтырылған. Барлық әкелінген өнімдер Қазақстандікі: картоп – Қарағандыдан, пияз, сәбіз – Тараздан. Орамжапырақ пен қызылша әлі әкелінбеген, оларды жергілікті шаруалардан сатып алмақшы.

Мұрат СҰЛТАНҒАЛИЕВ

Суреттерді түсірген В. Истомин

Нашли ошибку? Выделите её мышью и нажмите Ctrl + Enter.
 

1331 рет қаралдыБасты бет Поделиться:
formulasna.kz

Подпишитесь и узнавайте о новостях первыми


Басты бет