Тоны бар сөмке – ол да контрабанда

Атыраулық кеденшілер контрабандалық жолмен әкелуге тырысқан тондардың партиясын қолға түсірді.

Облыстық кедендік бақылау департаментінің баспасөз қызметінің бізге хабарлағанындай, тондар партиясын Түркиядан әуе рейсі келген кезде әуежайдан табылған. Тауарға ілеспе құжаты жоқ иесіз сөмкені уақытша сақтау қоймасынан тапқан. Артынша тауар иесі де табылды. Ол , 41 жастағы облыс орталығының тұрғыны екен. Әйелдердің 15 тонын ол тиісті декларациясыз, яғни, контарбандалық жолмен әкелген болып шықты. Тауартану бойынша жүргізілген сараптама қорытындысы бойынша олардың құны 1 млн 950 мың теңгені құрады. «Экономикалық контрабанда» бабы бойынша қылмыстық іс қозғалды.

Лев ГУЗИКОВ