Қызға ренжіп, өлмек болған

2 654 просмотра

Атырау полицейлері өз-өзіне қол жұмсамақ болған жас жігітті құтқарып қалды.

ІІД баспасөз хатшысы Гүлназира МҰХТАРОВАНЫҢ айтуынша, 18-қыркүйекке қараған түні кезекші бөлімге Абай көшесіндегі бес қабатты үйдің шатырында мойнына арқан байлап алған бір адамның тұрғаны туралы шақырту түскен. Арқан үйлердің арасына жалғанған электр желісіне байланған екен. Жігіттің туысқандары мен достары қатысқан екі сағатқа созылған келіссөздерден кейін, полиция қызметкерлерінің бірі оңтайлы сәтін тауып, жігітті ұстап алып, оны шатыр шетінен әрі алып кеткен. Жолы болмаған жігітке наркологиялық сараптама жеңіл дәрежеде ішімдіктен масайған деген қорытынды жасады. ІІД баспасөз қызметінің мәліметтері бойынша, 19 жастағы жігіттің мұндай жанқиярлық қадамға баруына сүйікті қызымен ренжісуі себеп болған екен.

Лев ГУЗИКОВ

22 қыркүйек 2011, 19:36

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.