Пермяковтің психикасына сараптама жасалмақ

1 448 просмотра

Армян отбасы мүшелерін өлтірді деп айыпталған ресейлік сарбаз Валерий Пермяков. Гюмри, 22 қаңтар 2015 жыл.Арменияның Гюмри қаласында бір армян отбасының жеті адамын өлтірді деп айыпталған ресейлік сарбаз Валерий Пермяковтің психикалық жай-күйіне сараптама жасалатын болды.

Ол Гюмридегі Ресей әскери базасы аумағындағы стационарда тексеруден өтеді. «Интерфакс» агенттігінің хабарлауынша, медициналық тексеру екі апта көлемінде аяқталмақ.

Биыл қаңтардың 12-сі күні Гюмридегі Ресей әскери базасынан өз бетімен кетіп қалған Валерий Пермяковке сол қаладағы Аветисяндар отбасының жеті адамын бірдей өлтірген деген айып тағылған. Ол айыбын мойындаған.

Бұған дейін Пермяков армияға келмей тұрып психиатрдың есебінде тұрған және стационарда емделген деп хабарланған. Бірақ бұл хабар ресми түрде расталған жоқ.

Адвокатының сөзінше, Пермяковтан психикалық ауру белгілері байқалмаған.

Арменияда қаңтар айында мыңдаған адам наразылық танытып, Ресейден Пермяковты Арменияның құқық органдарына тапсыруды талап еткен.

Дереккөз: Азаттық радиосы

5 наурыз 2015, 15:53

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.