Сыңғырла, алғашқы қоңырау!

Бүгін алғаш рет мектеп партасына Атырау облысында шамамен 10 мың бала отырмақ. Солардың бірі 6 жастағы Бекзат ЕРКІН. Өзінің сүйікті шөбересін мектепке  апару  үшін  80 жастағы Балған әже Оралдан әдейілеп келіпті.

Балған әжейдің 7 баласы, 24 немересі және 9 шөбересі бар. Осынау үлкен тату отбасында Бекзаттың алатын орыны ерекше. «Ол менің тұңғышымның үлкен немересі, оның әкесі менің үлкен немерем болады. Біздің отбасымызда дәстүр бар – менің атам мені сонау 1936 жылы алғаш рет мектепке апарған болатын, ол кезде мен небары бес жаста болатынмын. Мен бірінші сыныпқа өз немерелерімнің барлығын апарып келдім, ал, бүгін шөберемді апармақшымын!»,  - дейді мақтанышпен Балған әжей. Бекзат өзінің сүйікті әжесінің сенімін ақтауға уәде етіп отыр. Өйткені, ол таэквандошы және ақылды жігіт: арнаулы емтихан тапсырып, №16 мектептің гимназия сыныбына түсті. Ендігі міндет - әжесін өзінің бестіктерімен қуанту ғана.

Зульфия ИСКАЛИЕВА

Суретті түсірген  В. Истомин