Атырау облыстық экономикалық және сыбайлас жемқорлыққа қарсы күрес департаменті (қаржы полициясы) ҚР ТЖМ Батыс өңірлік аэромобильді жедел-құтқару жасағы басшысының ұсталғандығы туралы хабарлама таратты.
Баспасөз хабарламасында хабарланғандай, 10 қаңтарда 2013 жылдың 26 және 27 желтоқсанында қызметте қамқорлық жасағаны үшін өзінің қарамағындағы екі адамнан 30 мың теңгеден пара алды деген күдікпен ҚР ТЖМ Батыс өңірлік аэромобильді жедел-құтқару жасағының басшысы Амантай ЕРБОЗОВ ұсталған. Ұсталушыға қатысты ҚР ҚК-нің 311-бабы («Пара алу») бойынша қылмыстық іс қозғалды. Тергеу жүргізілуде.
Мұрат СҰЛТАНҒАЛИЕВ