В Атырау +6.2 
Атырауда облыстық ардагерлер кеңесінің пленумы өтті. Пленумға жиналғандар қарттарға көрсетілетін әлеуметтік қолдау, ұлттық құндылықтарды сақтау және аға буынның жас ұрпақ тәрбиесіндегі рөлі жөнінде пікір алмасты.
Жиынға өңір басшысы Болат Ақшолақов пен “Ардагерлер ұйымы” РҚБ Орталық кеңесінің төрағасы Әбілғазы Құсайынов қатысты.
Пленум барысында ардагер ұйымдарының жұмысы қорытындыланып, алда атқарылатын жұмыстар белгіленді.
Зейнеткерлерге медициналық және әлеуметтік қолдау мәселелеріне ерекше көңіл бөлінді. Қатысушылар, сонымен қатар, жастарға тәрбие берудегі, өмірлік тәжірибемен бөлісудегі және ұлттық дәстүрлерді сақтаудағы аға буын өкілдерінің рөлін талқылады.
Ұсынылған мәліметтерге сәйкес, бүгінде Атырау облысында 65 мыңнан астам адамның басын біріктіретін 264 ардагерлер ұйымы жұмыс істейді.
Пленум соңында ардагерлер қозғалысының дамуына үлес қосқан бірқатар зейнеткер марапатталды.