В Атырау +22 
Қазақстан Энергетика министрлігі 2026 жылға арналған мұнай экспортының жоспарын бекітті. Құжатқа сәйкес, ел шетелдік нарыққа 77 миллион тонна шикізат жеткізуді көздеп отыр — бұл 2025 жылғы көрсеткіштен (79,4 миллион тонна) 3 пайызға (немесе 2,4 миллион тоннаға) аз, деп хабарлайды KAZENERGY.
Энергетика министрлігі экспорттық көлемдердің негізгі бағыттар бойынша өткен жылмен салыстырғанда қалай бөлінетінін ашып көрсетті:
КҚК (Новороссийск): 63,6 миллион тонна (65 миллион тоннадан төмендеу). Аздап түзету енгілізгеніне (-2%) қарамастан, Каспий құбыр консорциумының құбыры басты бағыт мәртебесін сақтап отыр — оған елдің бүкіл экспортының шамамен 83 пайызы тиесілі.
Атырау — Самара: 8,8 миллион тонна (10 миллион тоннадан төмендеу). Бұл жерде 12 пайызға төмендеген.
Ақтау — Махачкала: 1,9 миллион тонна (2 миллион тоннадан төмен).
Ақтау — Баку — Джейхан (БТД): 1,7 миллион тонна (1,3 миллион тоннадан өсім байқалады). РФ-ны айналып өтетін балама бағыт ең жоғары динамиканы көрсетті — қосымша 31 пайыз.
Атасу — Алашанькоу (Қытай): 1 миллион тонна (өзгеріссіз).
Теміржол тасымалы: 50 мың тоннадан аз (өткен кезеңдер деңгейінде).
Салалық ведомствода ресейлік мұнайдың Қазақстан аумағы арқылы Қытайға транзиті бөлек атап өтілді. Оның көлемін 10-нан 12,5 миллион тоннаға дейін арттыру жоспарлануда. Бұл жеткізілімдер параллель кестемен жүреді және қазақстандық шикізат экспортының негізгі көлеміне кірмейді.