В Атырау +21.7 
Облыстық денсаулық сақтау басқармасы «Ақ Жайықтың» теміржол вокзалын реконструкциялау жұмыстары кезінде бес метрлік биіктіктен құлап кеткен 42 жастағы ер адамға қатысты сауалына жауап берді.
«Медициналық көмек толық көлемде көрсетіліп жатыр, науқастың жағдайы ауыр деп бағаланады», — деп хабарлады облыстық денсаулық сақтау басқармасының баспасөз хатшысы Нұрай Махонова.
Еске сала кетейік, зардап шегуші облыстық ауруханаға, алдын ала мәлімет бойынша, нейрохирургия бөліміне жеткізілген болатын.
Еңбекті қорғау қағидаларын бұзу дерегі бойынша Атырау станциясындағы көліктегі полиция бөлімі қылмыстық іс қозғады. Қазір оқиғаның мән-жайын анықтау үшін тергеу әрекеттері жүргізіліп жатыр.
Анастасия ШЕРСТЯНКИНА
Бүгін, 15:13