В Атырау +21.5 
Қазақстан қалаларының ішінде Атырау сүттің бағасы ең жоғары саудаланатын тізімнің басында тұр. Ел бойынша майлылығы 3,2% сүттің орташа бағасы литріне 693 теңгені құраса, мұнайлы астанада ол психологиялық 1 000 теңгелік межеге жақындап қалды.
Бұған Ұлттық статистика бюросының мәліметтері дәлел болады.
Атырауда және басқа өңірлерде сүт қанша тұрады?
Атырау майлылықтың барлық санаты бойынша сүт өнімдерінің құны жағынан сенімді түрде көш бастап тұр:
Майлылығы 3,2–4,5% сүт: Атырауда литрі орта есеппен 989 теңгеге түседі (ҚР бойынша — 693 теңге). Салыстыру үшін: Шымкентте ол 848 теңге, Ақтөбеде — 840 теңге, Ақтауда — 815 теңге, Астанада — 694 теңге, ал Алматыда — 683 теңге тұрады. Бұл санаттағы ең арзан сүт Петропавлда сатылады — бар болғаны 494 теңге.
Майлылығы 2,2–2,5% сүт: Атырауда бағасы литріне 906 теңгені құрады, бұл ретте орташа республикалық көрсеткіш — 634 теңге. Екінші орында айтарлықтай айырмашылықпен Қызылорда (844 теңге), үшінші орында Ақтау (801 теңге) тұр. Мұндай сүтті ең арзан бағамен Талдықорған (424 теңге) және Көкшетау (434 теңге) тұрғындары сатып алады.
Баға бір жылда қалай өзгерді?
Жалпы Қазақстан бойынша сүт өнімдері бір жылда 8,8%-ға қымбаттады (жалпы азық-түлік инфляциясы 8,5% болғанда). Майлылықтың әртүрлі санатында бағаның жылдық өсімі былай бөлінді:
Консервіленген сүт — +10,2%;
Майлылығы 3,2–4,5% сүт — +8,8%;
Майлылығы 2,2–2,5% сүт — +7,8%;
Майлы сүт (6% және одан жоғары) — +7,6%.
ҚР-дағы басқа «сүт өнімдерінің» орташа бағасы
Статистика мамандарының мәліметінше, қазан айының басындағы жағдай бойынша Қазақстанда басқа сүт өнімдерінің орташа бағасы мынадай деңгейде қалыптасты:
Қаймақ — кг үшін 2 377 теңге;
Айран (2–3%) — литріне 610 теңге;
Сүзбе (5–9%) — кг үшін 2 487 теңге;
Сары май — кг үшін 5 689 теңге;
Қатты және жартылай қатты ірімшік — кг үшін 6 194 теңге.
Сүт әлеуметтік маңызы бар азық-түлік тауарларының (ӘМАТ) тізбесіне кіреді. Оның бағасы шекті сауда үстемесін шектеу арқылы мемлекет тарапынан реттеледі.