В Атырау +16.7 
Кейбір iPhone 18 Pro иелерінің смартфон корпусының түсі өзгере бастаған.
Пайдаланушылар түсі айтарлықтай оңған смартфондардың суреттерін жариялап жатыр. Бұл туралы Hi-Tech Mail жазды, GSMArena мен Reddit-ке сілтеме жасаған.
Жарияланған суреттерге қарағанда, мәселе бордо және қара түсті модельдерде кездеседі. Кейбір жағдайларда түс алдымен камера объективтерінің маңында өзгере бастаған, кейін өзгерістер алюминий корпусының басқа бөліктерінен де байқалған.
Осындай жағдай iPhone 17 Pro және Pro Max-тың алдыңғы буынында да байқалған. Ол кезде де пайдаланушылар корпус түсінің өзгеретініне шағымданған, әсіресе Cosmic Orange нұсқасында. Кейін Apple бұл мәселені мойындап, кейбір құрылғылар ауыстырылған.
iPhone 18 Pro түсінің оңу себебі әзірге ресми түрде анықталған жоқ. GSMArena болжамынша, бұған ультракүлгін сәуленің әсері себеп болуы мүмкін, өйткені түс өзгерісі смартфонды далада пайдаланғаннан кейін байқалады.
Дегенмен, мәселе барлық құрылғыларға қатысты емес сияқты. GSMArena редакциясында да бордо түсті iPhone 18 Pro Max бар, алайда әзірге оның корпус түсінде ешқандай өзгеріс байқалмаған.
Қазіргі уақытта Apple жаңа модельдердің бояуындағы ақау жаппай сипатқа ие екенін ресми түрде мәлімдеген жоқ. Сондықтан әзірге бұл мәселені жүйелі сипаттағы ақау деп айтуға болмайды.