Пара, жымқыру және 93 күдікті: ҰҚК қыркүйектегі сыбайлас жемқорлық істері туралы

Қазақстанның Ұлттық қауіпсіздік комитеті қыркүйек айында сыбайлас жемқорлыққа қарсы іс-қимыл бойынша атқарылған жұмыстың қорытындысын шығарды. Аяқталған қылмыстық істер бойынша анықталған залал сомасы 3,7 млрд теңгеден асты.

Ведомствоның мәліметінше, өткен айда ҰҚК Сыбайлас жемқорлыққа қарсы іс-қимыл қызметі 106 сыбайлас жемқорлық құқық бұзушылықты тіркеген.

Анықталған фактілердің басым бөлігі мынадай қылмыстарға байланысты:

• парақорлық;
• жымқыру;
• алаяқтық;
• лауазымдық өкілеттіктерді теріс пайдалану және асыра пайдалану.

Қылмыстық істер бойынша 93 адамға күдікті мәртебесі берілді.

ҰҚК мәліметінше, тергеушілер 81 қылмыстық істі тергеуді аяқтаған, оның ішінде 78 іс сотқа жолданған. Аяқталған істер бойынша келтірілген залалдың жалпы сомасы 3,7 млрд теңгені құрады.